MACHAUT & LE CODEX FAENZA

G. de Machaut - J.da Bologna - A. Zacara da Teramo

La découverte en 1939 de ce Codex fut essentielle pour informer

les musiciens d´aujourd'hui quant à la pratique instrumentale du Moyen-âge. Il contient des versions ornées, vraisemblablement pour instruments à clavier, d'oeuvres vocales, des compositeurs français et italiens de l'Ars Nova,  période musicale au cours de laquelle on assista à une évolution considérable  dans la notation musicale, l'emploi du rythme et des techniques de composition.

Alan Bennett

Je suis aussi com cils qui est ravis (B20)

Ballade à trois voix

Je suis aussi com cils qui est ravis,
Qui n'a vertu, scens ne entendement,
Car je ne sui à nulle riens pensis,
Jour ne demi, temps, heure ne moment,
Fors seulement à m'amour
Et sans partir en ce penser demour.
Soit contre moy; soit pour moy, tout oubli
Fors li qu'aim miex cent mille fois que mi.

Quant je la voy, mes cuers est si espris
Qu'il art et frit si amoureusement
Qu'à ma maniere appert et à mon vis;
Et quant loing sui de son viaire gent,
Je langui à grant dolour:
Tant ay desir de veoir sa valour.
Riens ne me plaist; tout fui, tout ay guerpi
Fors li qu'aim miex cent mille fois que mi.

Einsi lonteins et près langui toudis,
Dont changiés sui et muez tellement
Que je me doubt que n'en soie enhaïs
De meinte gent et de li proprement.
Et c'est toute ma paour;
Car je n'i sçay moien, voie ne tour,
Ne riens n'i puet valoir n'aidier aussi
Fors li qu'aim miex cent mille fois que mi.